Les mots surlignés font l'objet d'une note
1[copie de lettre à Charles IX]
2Sire, ayant entendu que le sieur de Montcain en la cause quil poursuit
3comme procureur de votre majesté pardevant les commissaires à ce deputés
4contre Anthoine Andeyer et ses assotiés pour le faict du sel mis en
5avant beaulcoup de propos injurieux et plains de convices contre
6les estatz de votre pays du Daulphiné, plus comme il me semble pour
7satisfaire au desir quil a de mesdire que pour eclaircir la verité
8ou ayder à la justice de sa cause, jay quil impourtoit beaucoupt
9à votre service de vous informer au vray de la qualité et condition
10desdits estatz, qui est quilz pourvoient ordinairement aux charges et
11folles du peuple esgallent et despartent justement toutes despences
12et fournitures deschargent et recompensent ceulx qui se treuvent
13avoir esté les plus grevés, bref font en sorte que recepvant
14voz commandemantz, ung chascung est promp à y hobeyr ; et survenantz
15quelques troubles et guerres innopi[n]ées, comme aujourdhuy, lon se met
16incontinent an debvoir de fornir ce qui leur est commandé par voz
17lieutenantz ; ce que chacung faict plus vouluntiers, scaichant bien qu’à la
18prochaine tenue des estatz, toutes leurs despences seront cognues et
19comptées et distribuées sus luniversel, de sorte que personne
20n’aura ocasion de se plaindre. C’est en partie ung sommaire de ce
21que ce faict esdits estatz pour ne vous ennuyer de plus long discours
22auquel je nadjousteray que ce mot : que du temps que je suis
23en la charge quil vous a plu me donner, jay tousjours cognu
24les commis desdits Estatz qui sont gens vertueux et signallés personnages
25choysis par luniversel du clergé, de la noblesse et du tiers estat,
26versés de telle integrité et predhomie au maniemant de leur charge
27plainctes et doleances en sont par cy devant parvenues à votre majesté ;
29et quant est au faict du sel sur lequel leur partye fonde sa plus
30grande accusation, il se treuverra quilz n’en nont jamais prins la
31forme et negociation que par votre permission et de voz predecesseurs,
32comme il couste par contraictz et actes auctenticques, les comptes
33de laquelle ferme se rendent et present votre procureur general, lequel les
34voyt dilligemment et après le pris et imposition dudit sel se font
35ez presences de deux conseilliers de votre cour de parlement dudit votre
36procureur et du general de la charge et despuis est le tout monstré
37et authorizé par votre dicte cour, qui me faict de tant plus esbahir
38que celluy qui na nulle cognoissance de la police particullière
39et gouvernement de ce pays, vienne par une curieuse recherche
40plaine d’animosité blasmer et denigrer les actions de tant de gens
41[127 v°] de bien, lequelles nont jamais esté couvertes ne celées à votre majesté ;
42cest quil ma semblé estre de ma charge de vous escrire sur ce quil
43ce presente mainctenant desdits estatz, lesquelz nont jamais tendu ne tendent
44encores qu’à conserver ceste prouvince et voz subiectz dicelle soubz votre
45hobeyssance avec le moingz de foulle et de charge que faire ce peut,
46qui doibt estre la fin et le but de toutes bonnes et louables
47assemblées remettant le surplus à ce que les commis desdits
48estatz escriront et produiront plus à plain par devers leurs
49commissaires lesquelz, après avoir esté bien instruictz, je massure
50quilz ne souffriront estre faicte aulcune alteration en cest ordre si
51saigement institué et ne voudroient rompre le lien qui a tousiours
52tenu et tient encore unis et conjoinctz voz subiectz à lexecution
53de voz commandemans ; et seroit à desirer que ceste poursuitte
54fut tombée en autre temps qu’en cestuy-cy, où le peuple a
55plus de besoing de se rassembler et reconcillier par ung bon
56querelles, ce que je vous supplie très humblement prandre en
58bonne part et comme procedant du zelle que jaurey toute
59ma vie à la conservation et augmentation de votre couronne.